Հրապարակային պայմանագիր ծառայությունների վաճառքի/մատուցման վերաբերյալ

(Ծառայությունների մատուցման պայմանները)

Ստորև ներկայացված պայմանները հանդիսանում են TicketMaster.am կայքում տոմսի գնման հայտ ուղարկած ֆիզիկական և իրավաբանական անձանց` այսուհետ "Բաժանորդ", և տոմսի նկարագրությունում նշված անձի, այսուհետ "Վաճառող", ի դեմս "TIKED" ՍՊԸ–ի` այսուհետ "Գործակալ", միջև կնքված ծառայությունների վաճառքի/մատուցման հրապարակային պայմանագրի դրույթներ:

Սույն պայմանները հանդիսանում են նաև հրապարակային պայմանագիր ծառայությունների վաճառքի/մատուցման վերաբերյալ (այսուհետ` "Պայմանագիր"):

Վաճառողը պարտավորվում է սույն պայմաններով սահմանված կարգով ծառայություններ վաճառել/մատուցել ցանկացած Բաժանորդի, որը, համաձայնելով սույն պայմաններին, կիրականացնի պայմանագրում սահմանված գործողությունները, որոնք կհաստատեն վերջինիս ցանկությունը սույն պայմանագիրը կնքելու վերաբերյալ:

 

1. Տերմիններ և սահմանումներ

1.1. Գործակալը TicketMaster.am կայքի օպերատորն է, որը հնարավորություն է տալիս իր կայքը օգտագործողներին Վաճառողից իր կայքի միջոցով գնելու տոմս:

1.2. Վաճառողը` որպես պայմանագրային կողմ, Գործակալից տարբերվում է նրանով, որ առաջարկում է իր ծառայությունները, կրում է պատասխանատվություն դրանց մատուցման համար և որի անունից ու որի հաշվին Գործակալը վաճառում է տոմս:

Վաճառող` տոմսի պայմաններ բաժնում նշված իրավաբանական անձ և/կամ անհատ ձեռներեց, ով առաջարկում/մատուցում է ծառայություններ:

1.3. Բաժանորդ` ֆիզիկական և/կամ իրավաբանական անձ, ով TicketMaster.am կայքում տոմսի գնման հայտ է ուղարկել և օգտվում է կայքի առաջարկած տոմսից:

1.4. Բաժանորդները առցանց վճարային փաստաթղթերը ստանում են էլեկտրոնային ձևով:

1.5. Օպերատորը իրավաբանական անձ է, ով աշխատեցնում է TicketMaster.am կայքը:

1.6. Կայք` Գործակալի սեփականություն հանդիսացող TicketMaster.am հասցեում տեղադրված կայքը:

1.7. Հրապարակային օֆերտա` Վաճառողի կողմից մատուցվող ծառայությունների վերաբերյալ Գործակալի կողմից անձանց ուղղված առաջարկություն, որից հետևում է նշված պայմաններով յուրաքանչյուր արձագանքողի հետ պայմանագիր կնքելու Գործակալի կամքը:

Հրապարակային օֆերտան իրենից ներկայացնում է TicketMaster.am կայքում տեղադրված ծառայության նկարագրությունը:

1.8. Տոմս` Ծառայություն, որը տրամադրվում է Վաճառողի կողմից, որը գնվում է Գործակալի միջոցով սույն պայմանագրում ներկայացված պայմաններով:

Բաժանորդը համարվում է ծառայությունը սպառած, եթե նրա կողմից գնվել է Տոմսը, որը իրավունք է տալիս օգտվել Վաճառողի ծառայություններից Հրապարակային օֆերտայի շրջանակներում:

Տոմսի Պայմանները սահմանվում են TicketMaster.am կայքում և հանդիսանում են Հրապարակային օֆերտայի/Պայմանագրի անբաժանելի մասը:

1.9. Տոմս` Բաժանորդի կողմից Գործակալից գնվող տոմս, որն ունի QR կոդ, ինչը թույլ է տալիս նույնականացնել Բաժանորդին և Վաճառողից Ծառայությունների սպառման իրավունք է տալիս: Տոմսը հավաստում է Բաժանորդի Վաճառողից Տոմսում նկարագրված ծառայությունը այն գնով և պայմաններով ստանալու իրավունքը, որոնք նախատեսված են Տոմսի պայմաններում:

2. Ծառայությունների պատվիրելը և Պայմանագրի կնքումը

2.1. Ծառայությունների պատվերը ամբողջովին էլեկտրոնային է: Վճարելով՝ Բաժանորդը համաձայնում է սույն Պայմանների հետ:

2.2. Պայմանագիրը կնքելու լրիվ և անպայման համաձայնություն (այսուհետ. Ակցեպտ) համարվում է TicketMaster.am կայքում Բաժանորդի կողմից տոմսի գնման հայտի ուղարկումը և 3.1 կետով նախատեսված վճարման կատարումը:

2.3. Պայմանագրի Ակցեպտը նշանակում է, որ Բաժանորդը համաձայն է սույն առաջարկի բոլոր դրույթների հետ, և հավասարազոր է Պայմանագրի կնքմանը` իր հավելվածներով:

2.4. Բաժանորդի կողմից պայմանագրի կնքման ապացույց է հանդիսանում Վաճառողին տոմսի վրա տեղադրված QR ծածկագրի տրամադրումը: Պայմանագրի կնքման ցանկացած այլ ապացույց ենթակա չէ Վաճառողի կողմից քննարկման:

2.5. Պայմանագրի առարկան, պայմանները և գործողության ժամկետը սահմանվում են TicketMaster.am կայքի համապատասխան բաժիններում (Տոմսի բաժնում` նկարագրությունը, պայմանները):

2.6. TicketMaster.am կայքի Տոմսի բաժնի յուրաքանչյուր տոմսի համապատասխան բաժինները հանդիսանում են Պայմանագրի անբաժանելի մասը և համարվում են Հրապարակային օֆերտայի անբաժանելի մասը` Հավելվածը: Պայմանագրի Հավելվածում զետեղված բոլոր պայմանները հանդիսանում են Պայմանագրի պայմաններ:

2.7. Պայմանագրի հավելվածը զետեղվում է Կայքի «Պայմանները», «Նկարագրությունը» բաժնում, որը պարունակում է Վաճառողի հետ գործարքի առարկան, պայմանները և գործողության ժամկետը:

2.8. Գործակալի լիազորությունները սահմանափակվում են Վաճառողի անունից և նրա հաշվին տոմսի առարկայի և պայմանների զետեղմամբ Կայքում, ինչպես նաև Բաժանորդի դրամական միջոցների մուտքագրման միջոցով գործարքի ձևակերպմամբ և/կամ Բաժանորդին Տոմսերի տրամադրմամբ:

Ըստ Պայմանագրի` Իրավունքներն ու Պարտավորությունները առաջանում են անմիջապես Բաժանորդի և Վաճառողի միջև: Պայմանագրի առարկայի և պայմանների հանդեպ բոլոր պահանջները ներկայացվում են Վաճառողին: Գործակալը Վաճառողի կողմից Պայմանագրի կատարման համար պատասխանատվություն չի կրում:

2.9. Բաժանորդը փոխանցում է Պայմանագրի համապատասխան Հավելվածում նշված չափով գումարը Գործակալի հաշվարկային հաշվին Կայքում նշված եղանակներով: Գումարի փոխանցումը կարող է տեղի ունենալ անկանխիկ հաշվարկի միջոցով:

2.10. Գումարի վճարման հետ կապված բոլոր ծախսերը կրում է Բաժանորդը:

2.11. Բաժանորդի և Վաճառողի միջև տեղեկատվության փոխանակման կարգը սահմանվում է և Բաժանորդին մատուցվում է Կայքի միջոցով:

2.12. Բաժանորդը համաձայն է, որ Գործակալի կողմից կարող են պահպանվել և մշակվել նրա անձնական տվյալները:

2.13. Բաժանորդը համաձայն է, որ կայքում վճարելուց հետո նրա էլեկտրոնային փոստին Գործակալի կողմից ուղարկվեն նամակներ և հաղորդագրություններ, այդ թվում՝ գովազդային բնույթի: Գործակալը պարտավորվում է չփոխանցել էլ. հասցեն և Բաժանորդի մասին այլ տվյալներ երրորդ անձանց:

3. Գինը և վճարման կարգը

3.1. Տոմսի գինը ներկայացվում է Կայքի համապատասխան բաժնում: Տոմսը իրավունք է տալիս Վաճառողի ծառայությունից օգտվել:

3.2. Տոմսի համար վճարումը կատարվում է կայքում նշված էլեկտրոնային վճարման միջոցներով:

3.3. Ծառայության չտրամադրման դեպքում գնված տոմսի արժեքը վերադարձվում է Բաժանորդին վերջինիս հարմար ցանկացած տարբերակով (բանկային հաշվին, առաքում, տրամադրում մեր գործունեության հասցեում և այլ)՝ ազատ տնօրինման:

4. Տոմսի առաքումը

4.1. Տոմսի առաքումը Բաժանորդին կատարվում է էլեկտրոնային փոստով: Տոմսը նաև կարող է ուղարկվել թղթային տեսքով` հաճախորդի հարցումով և նրա կողմից նշված հասցեին: Փոստային առաքման ծախսերը հոգում է Բաժանորդը: Էլեկտրոնային տարբերակով կամ տպված Տոմսը հանդիսանում է ապացույց Տոմսով նախատեսված իրավունքների իրականացման համար:

5. Տոմսի օգտագործման կարգը

5.1. Տոմսի օգտագործման կարգը նշված է Կայքում և Տոմսի վրա:

5.2. Տոմսի օգտագործման ժամկետից հետո Բաժանորդը կորցնում է Տոմսի հետ կապված բոլոր իրավունքները:

5.3. Տոմսի օգտագործման ժամկետից հետո էլ հնարավոր է կատարել վճարված գումարի հետվերադարձ՝ Վաճառողի մատուցած ծառայություններից գրավոր հիմնավորված դժգոհության դեպքում՝ ծառայության սկզբից 1 օրվա ընթացքում:

5.4. Տոմսը փոխանցելի է և չի հանդիսանում անվանական:

5.5. 1 Տոմսը նախատեսված է տվյալ ծառայությունից 1 անգամ օգտվելու համար: 

5.6. Բաժանորդի կողմից Տոմսի կորստի կամ տոմսի ունիկալ QR կոդի կորստի, վնասման կամ գողության դեպքում Վաճառողը կամ Գործակալը պատասխանատվություն չեն կրում:

5.7. Տոմսերի դիմաց Վաճառողը և Գործակալը որևէ դրամական հատուցման պարտավորություն չեն կրում: Տոմսը իրավունք է տալիս միայն օգտվել ծառայություններից` նշված կարգով և պայմաններով:

5.8. Տոմսերի մասին տեղեկատվությունը Գործակալը ուղարկում է Վաճառողին նրանց միջև կնքված պայմանագրի հիման վրա: Կայքում այլ բան նախատեսված չլինելու դեպքում Բաժանորդը պետք է ակնկալի, որ իր Տոմսի մասին տեղեկատվությունը Վաճառողին հասանելի կլինի խելամիտ ժամանակաշրջանի ընթացքում, սովորաբար` մինչև 24 ժամ:

5.9. Պատշաճ կերպով տոմսի ներկայացման դեպքում Վաճառողը պարտավոր է կատարել Տոմսի պայմաններում և նկարագրությունում նշվածը` Տոմսի օգտագործման ժամկետում:

5.10. Տոմսը համարվում է պատշաճ կերպով ներկայացրած, եթե ներկայացվել է Գործակալի կողմից ուղարկված էլեկտրոնային կամ տպված Տոմսը:

5.11. Բաժանորդը պարտավորվում է Տոմսը օգտագործել համաձայն սույն կանոնների, չփորձել որևէ խարդախության դիմել կամ շրջանցել Գործակալի կամ Վաճառողի շահերը:

6. Կայքի օպերատորի պատասխանատվությունը

6.1. Տոմսի արժեքը Գործակալը ստանում է Վաճառողից և պատասխանատվություն չի կրում դրա չափի համար:

6.2. Տոմսին վերաբերող ցանկացած տեղեկատվություն, որ տեղադրված է Կայքում տրամադրված է Վաճառողի կողմից, և բոլոր փոփոխությունները համաձայնեցվում են Վաճառողի հետ:

6.3. Ծառայությունների վաճառքի/մատուցման հետ կապված ամբողջ պատասխանատվությունը կրում է Վաճառողը: Գործակալի և Բաժանորդի պայմանագրային հարաբերությունը սկսում է Տոմսի գնման պատվերներ ընդունելով և ավարտվում է վճարումից հետո դրանք Բաժանորդին ուղարկելով: Ծառայությունների վաճառքի/մատուցման հետ կապված ցանկացած դրույթ պայմանագիր է Վաճառողի և Բաժանորդի միջև: Ծառայությունների վաճառքի/մատուցման հետ կապված ցանկացած գործողություն, միջադեպ, իրադարձություն կարգավորվում է ՀՀ օրենսդրությամբ և Վաճառողի կանոններով, եթե այդպիսիք գոյություն ունեն:

6.4. Ծառայության չտրամադրման դեպքում պայմանագրային հարաբերությունը ավարտվում է՝ Բաժանորդի դրամական միջոցները վերջինիս հարմար ցանկացած տարբերակով (բանկային քարտ, առաքում, տրամադրում մեր գործունեության հասցեում և այլ) վերադարձնելով ազատ տնօրինման:

6.5. Տոմսը արժեթուղթ չէ:

7. Պատասխանատվության սահմանափակում

7.1. Գործակալը պատասխանատու չէ Վաճառողի կողմից ծառայության տրամադրման կամ նրա այլ պայմանագրային պարտավորությունների կատարման համար: Գործակալի Կայքում Ծառայության ներկայացումը կրում է զուտ տեղեկատվական բնույթ:

7.2. Գործակալը պատասխանատու չէ ծառայությունների օգտագործման հետ կապված որևէ վնասի համար:

Երբ Բաժանորդը Վաճառողի ծառայությունը կսպառի, սակայն արդյունքում կստանա անորակ ծառայություն, ապա Վաճառողը պարտավորվում է վերադարձնել գումարը։ Մենք համագործակցում ենք միայն այդպիսի Վաճառողների հետ։ Այլապես նրան անվերադարձ կհեռացնենք մեր հարթակից։ Ուղղակի այդ մասին մեզ սպառելուց հետո 1 օրվա ընթացքում տեղյակ է պետք պահել։ Ի դեպ, կվերադարձվի նաև տոմսի վճարը։

7.3. Գործակալը չի կարող երաշխավորել, որ Կայքում տեղ չեն գտնի սխալներ: Այնուամենայնիվ նա կանի հնարավորը՝ սխալներից խուսափելու համար: Ցանկացած դեպքում Գործակալը կամ ցանկացած այլ իրավաբանական կամ ֆիզիկական անձ, որը ներգրավված է Կայքի բովանդակության ստեղծմանը, ներառյալ ծրագրային և տեխնիկական ապահովումը, պատասխանատու չեն որևէ վնասի` այդ թվում ուղղակի, անուղղակի և այլ կարգի վնասների համար, որոնք կծագեն Կայքի օգտագործումից կամ օգտագործման կարգի չիմացությունից:

7.4. Ցանկացած դեպքում Գործակալը պատասխանատվություն է կրում առավելագույնը Պայմանագրով նախատեսված իրեն հասանելիք հատուցման չափով:

8. Բողոքներ

8.1. Եթե Տոմսը, որը Բաժանորդը կստանա վճարման դիմաց, կպարունակի այլ պայմաններ, քան նշված են Հրապարակային օֆերտայում, ապա նա իրավունք ունի պահանջել Տոմս Օֆերտային բավարարող պայմաններով: Հաճախորդը պետք է այդ մասին գրավոր կերպով տեղեկացնի ticket@yerevan.trade հասցեով՝ գնումից հետո 1 օրվա ընթացքում:

8.2. Գործակալը պարտավոր է հինգ աշխատանքային օրվա ընթացքում վերացնել խնդիրը: Եթե այն չի վերանում, Բաժանորդը գործարքից դուրս գալու և իր գումարը հետ պահանջելու իրավունք ունի:

9. Գործարքից դուրս գալը

9.1. Այն դեպքում, եթե Վաճառողը չի մատուցում Տոմսում նկարագրված ծառայությունները կամ մատուցում է որակի էական վատթարացումով, Բաժանորդը գործարքից դուրս գալու իրավունք ունի: Նման դեպքերում Բաժանորդը պետք է տեղյակ պահի Գործակալին իր բողոքների մասին ticket@yerevan.trade հասցեով՝ Վաճառողի ծառայությունը սպառելուց հետո 1 օրվա ընթացքում:

10. Գաղտնիություն

10.1. Գործակալը իրավունք ունի Բաժանորդից հարցում անելու (այդ թվում` կայքի միջոցով), որոշակի անձնական տեղեկատվություն` մարքեթինգային և այլ նպատակներով: Այդ դեպքերում Գործակալը պարտավորվում է գաղտնի պահել այդ տվյալները և դրանք մշակել կիրառելի օրենսդրությանը համաձայն:

10.2. Բաժանորդը նման տեղեկատվությունը տրամադրում է կամավոր: Գործակալը պարտավորվում է Բաժանորդի պահանջով վերացնել իր մոտ պահվող ցանկացած տեղեկատվություն վերջինիս մասին:

10.3. Մանրամասն՝ Գաղտնիության քաղաքականությունում

11. Եզրափակիչ դրույթներ

11.1. Սույն պայմանները ուժի մեջ են մտնում TicketMaster.am կայքում հրապարակման օրից, եթե կողմերի միջև այլ բան նախատեսված չէ գրավոր պայմանագրով:

11.2. Սույն պայմանները կարող են միակողմանի փոփոխվել Գործակալի հայեցողությամբ:

11.3. Սույն Օֆերտայի որևէ դրույթ անվավեր կամ առ ոչինչ ճանաչվելու դեպքում մնացած դրույթները չեն փոփոխվում և մնում են ուժի մեջ:

11.4. Կողմերի միջև սույն Օֆերտայի կատարման կամ մեկնաբանման հետ կապված բոլոր վեճերը պետք է լուծվեն բանակցությունների միջոցով, իսկ համաձայնություն ձեռք չբերելու դեպքում՝ բոլոր վեճերը ենթակա են լուծման ՀՀ օրենսդրությամբ սահմանված կարգով:

11.5. Սույն Օֆերտան կնքվում է հայերեն լեզվով, սակայն կարող է թարգմանվել և հրապարակվել (այդ թվում նաև Հավելվածները) այլ լեզուներով, սակայն հայերենի և այլ տարբերակների միջև հակասության դեպքում գերակայում է հայերեն տարբերակը:



Կատարողի հասցեն և վավերապայմաններ
Գործակալ` «ՏԻԿԷԴ» ՍՊԸ
Իրավաբանական հասցե՝ ՀՀ, ք. Երևան, Տեյրան 105/1

Գործունեության հասցե՝ ՀՀ, ք. Երևան, Ազատության 24/19

ՀՎՀՀ՝ 02632463

Բանկը՝ 

Հ/Հ՝ 

Տնօրեն՝ Անահիտ Կարապետյան
Հեռ. 098 611 477